Croeso i faes Carafannau a Gwersylla Caerdydd

Mae Maes Carafanau Caerdydd wedi’i leoli mewn parcdir hardd yn agos at galon y ddinas. Lle canolog delfrydol i ddarganfod Caerdydd ac atyniadau niferus ac amrywiol y rhanbarth.

Er gwaethaf y lleoliad canolog, mae’n teimlo fel petai yn y wlad, sy’n ei gwneud yn hawdd anghofio mai dim ond taith fer ar droed yw hi i ganol y ddinas. Gallwch hefyd gyrchu atyniadau glannau Bae Caerdydd ar droed neu ar fws dŵr.

Ymhlith yr atyniadau a’r gweithgareddau lleol mae Castell Caerdydd, Stadiwm Principality, Parc Bute, Amgueddfa Cymru, Dŵr Gwyn Rhyngwladol Caerdydd ac un o ganolfannau siopa gorau’r wlad. Gyda llawer mwy i’w ddarganfod o fewn awr o yrru. Mae beiciau ar gael i’w llogi ar y safle gan Pedal Power, sy’n ffordd wych o grwydro’r ddinas neu fynd ar hyd Taith Taf.